TanDuB
TanDuB é a fusión da música tradicional gnawa (norte de Marrocos, Tánxer) con outros xéneros como o reggae, o drum&bass e a electrónica, cun potente directo que reflicte como poucos esa amalgama de instrumentos de tempos tan afastados. Coa súa formación actual convértese nunha sólida proposta multicultural plurilingüe, capaz de reflectir como poucas a universalidade da música.
Así recollen ese folclore do sur do Mediterráneo, que leva séculos ditando o ritmo da vida cotiá, e mesturano cos ritmos máis modernos, dando como resultado unha posta en escena vibrante.
Empregando a mestura de instrumentos clásicos en bandas de fusión (guitarra, baixo, batería) coas novas tecnoloxías (electrónica), e co hajhouj (instrumento tradicional marroquí), conseguen un son que non deixa indiferente a ninguén; vibrante, intenso e sólido.
Os seus membros, integrantes de grupos como Lamatumbá, Coanhadeira, Tabú, Dar Gnawa ou Kondís, como non podía ser doutro xeito, son músicos de moi diversas procedencias (folk, rock, blues, electrónica) e con experiencia en moitos escenarios.
REDES SOCIAIS
- FACEBOOK – https://www.facebook.com/bandameu/
- INSTAGRAM – https://www.instagram.com/meu_rock_gz/
- SPOTIFY-https://open.spotify.com/artist/7D6hdHO3ZtvbC1DEdfw9Xb
CONTACTO: contacto@quepasameu.com
TELÉFONO: 656 977 085
WEB: https://www.quepasameu.com/