CARLOS LORENZO PÉREZ (Caracas, 1968)
Técnico de Cultura do Concello de Carral desde 1995 e actual Presidente da Asociación Galega de Profesionais da Xestión Cultural.
Técnico superior en Produción de Espectáculos e Audiovisuais e posgraos en Animación Sociocultural e en Planificación e Desenvolvemento Local.
No ámbito privado da cultura foi socio fundador e director de proxectos de Inicia Consultoría e Xestión entre os anos 2005 e 2013.
Desenvolve profesionalmente unha faceta creativa como fotógrafo con 5 libros publicados e exposicións que teñen visitado unha vintena de salas por toda Galicia, e como produtor e director audiovisual, sendo o seu último proxecto o documental Vértice de versos e rodando actualmente Cardoña fotos a 7 pesetas.